У Еўропе сёння стартавалі выбары ў Еўрапарламент

420 мільёнаў выбаршчыкаў павінны вырашыць, якім шляхам далей пойдзе ЕС. У Нідэрландах адзін з выбарчых участкаў адкрыўся апоўначы. Астатнія раніцай. Галасуюць сёння і ў Вялікабрытаніі. Заўтра свой выбар зробяць жыхары Ірландыі і Чэхіі, а 25 мая - Мальты, Латвіі і Славакіі. У астатніх краінах Еўрапейскага саюза выбары пройдуць у нядзелю. У гэты ж дзень вечарам павінны стаць вядомыя вынікі галасавання.

Цікава, што ў Бельгіі, Люксембургу, Балгарыі, Грэцыі і на Кіпры ўдзел у выбарах абавязковы. Тым, хто не прыйшоў, пагражаюць штрафы. Дарэчы, у шэрагу краін прагаласаваць можна было і датэрмінова. Чакаецца, што ў новым скліканні Еўрапарламента будзе прыкладна траціна еўраскептыкаў: папулістаў, новых правых і нацыяналістаў.