У НАТА створаць "ваенны Шэнген"

НАТА рыхтуецца стварыць "ваенны Шэнген" для бесперашкоднага перамяшчэння тэхнікі па Еўропе. Пра новую сістэму ваенных калідораў могуць аб'явіць у найбліжэйшыя месяцы - да ліпеньскага саміту ў Вашынгтоне, паведамляе Times. Як піша выданне, "сур'ёзным галаўным болем" для НАТА з'яўляецца блытаніна ў правілах. Яна абмяжоўвае абмен і транспарціроўку ваеннай тэхнікі не толькі паміж дзяржавамі, але нават паміж рэгіёнамі некаторых краін ЕС. Удакладняецца, што пры трансгранічных вучэннях трэба правесці шмат папяровай работы, а ў выпадку ваеннага крызісу гэта стане вялізнай праблемай. Раней Крэмль назваў ідэю "ваеннага Шэнгена" нагнятаннем напружанасці ў Еўропе.