3.77 BYN
2.97 BYN
3.48 BYN
"Мы за мір і стварэнне!" - у Брэсце прайшоў пікет ля польскага консульства
"Мы за мір і стварэнне" - такі лозунг сёння гучаў ля польскага консульства ў Брэсце. Жыхары горада арганізавалі ля будынка пікет. Прынеслі з сабой плакаты і нацыянальны флаг Беларусі. Такім жэстам прысутныя хацелі выказаць сваю нязгоду наконт закрыцця Польшчай меж. Дзеянні польскіх улад асабліва закранулі жыхароў прыгранічча. Бо шмат у каго з іх у суседняй краіне засталіся блізкія і магілы сваякоў. Пратэставалі і супраць вялізных чэргаў на мяжы. Бо пасля таго як закрыўся пагранпераход "Баброўнікі", з Беларусі ў Польшчу грузавікі могуць напрасткі трапіць толькі праз адзін пункт пропуску - "Казловічы". У выніку пробкі з фур дасягаюць дзясяткаў кіламетраў.
Вы паглядзіце, колькі машын, колькі фур, колькі прадуктаў, гэта ўсё псуецца. Вось чаму яны закрываюць межы, нас туды не пускаюць?! Мы ж беларусы, мы ж мірныя людзі! Лукашэнка адкрыў мяжу - людзі, прыязджайце, сустракайцеся. Нас туды не пускаюць.
Мы хочам жыць у міры, мы хочам сябраваць з нашымі суседзямі. І таму вось гэта закрыццё меж парушае дружалюбныя нашы адносіны, наладжаныя гадамі. Гэта свайго роду эскалацыя, якая ні да чаго добрага не прывядзе. Гэта санкцыйная палітыка, накіраваная на простых людзей.
У нас агульная гісторыя, у нас агульнае мінулае. Разам мы змагаліся калісьці з фашызмам. І яны павінны гэта памятаць. Але польскія ўлады чамусьці лічаць інакш. І пастаянна нагнятаюць трывожнае становішча ля нашых меж. Незаслужана!
Нагадаем, сёння ў дзевяць гадзін вечара пагранпераход "Кукурыкі" (з беларускага боку гэта "Казловічы") закрылі для беларускіх фур. Цяпер для нашых дальнабойшчыкаў застанецца толькі адзін прамы шлях у ЕС - праз Літву.