Пра надвор'е | 06.02.2021

Заўтра магнітных бур на тэрыторыі нашай краіны не прагназуецца.

Геамагнітны фон ад узбуранага ўначы да слабаўзбуранага на працягу астатняга часу сутак.

7 лютага прысвятак з назвай Рыгор Багаслоў. У гэты дзень пільна сачылі за надвор’ем і да поўдня, і пасля яго: прыкмячалі, які дзень з раніцы да поўдня, такая і першая палова наступнай зімы будзе. А якое надвор’е з поўдня да вечара - такое чакаецца і ўсю другую палову наступнай зімы.

Інфармацыя з гісторыі метэаназіранняў на 7 лютага: самая халодная ноч была ў Горках у 1929 годзе - 36 градусаў марозу, а самы цёплы дзень у 2009-м - у Брэсце тэрмометры паказалі амаль 14 градусаў цяпла.