Пра надвор’е

Заўтра магнітных бур на тэрыторыі нашай краіны не прагназуецца. Геамагнітны фон ад спакойнага да слабаўзбуранага.

29 красавіка адзначаецца прысвятак Арына ці Ірына. Прыкмячалі: калі ў гэты дзень пасадзіць капусту, яна вырасце смачнай і сакавітай. А калі алешына заквітнела - пара сеяць грэчку.

Зараз пра надвор'е на найбліжэйшы час, але спачатку інфармацыя з гісторыі метэаназіранняў. Самая халодная ноч была на станцыі Палеская ў 1988 годзе - больш за 6 з паловай градусаў марозу. А самы цёплы дзень у 2012 - у Лельчыцах слупкі тэрмометраў падняліся да 31 градуса цяпла.