Прэм’ера праекта "Залатая калекцыя" на тэлеканале "Беларусь 3" адбудзецца ў навагоднюю ноч

Прэс-рэліз

"Беларусь 3" запрашае гледачоў сустрэць 2026 год у кампаніі вядучых музычных і харэаграфічных калектываў Беларусі. 1 студзеня ў 00:05 тэлеканал пакажа прэм’ерны выпуск цыкла "Залатая калекцыя".

У першыя хвіліны новага года на "Беларусь 3" прагучаць "Знаёмыя мелодыі" ў выкананні Нацыянальнага акадэмічнага народнага аркестра Рэспублікі Беларусь імя І. Жыновіча. Пад кіраўніцтвам галоўнага дырыжора, заслужанага артыста Беларусі Аляксандра Крамко аркестр прапануе адправіцца ў падарожжа па мелодыях папулярнай кінамузыкі.

1 студзеня ў 19:35 тэлеканал пакажа яшчэ адзін брыльянт з "Залатой калекцыі" - канцэртную праграму "Зімачка" Беларускага дзяржаўнага акадэмічнага заслужанага харэаграфічнага ансамбля "Харошкі". Майстры танца праз арыгінальныя вакальна-харэаграфічныя пастаноўкі перададуць асаблівую, чароўную атмасферу зімовых беларускіх свят і народных абрадаў.

У рамках праекта "Залатая калекцыя" ў эфір "Беларусь 3" паступова выйдуць 10 тэлеверсій канцэртных праграм Нацыянальнага акадэмічнага народнага аркестра Рэспублікі Беларусь імя І. Жыновіча, Нацыянальнага акадэмічнага народнага хору Рэспублікі Беларусь імя Г. І. Цітовіча, Сімфанічнага аркестра Белтэлерадыёкампаніі, ансамбля народнай музыкі "Бяседа", фальклорнага гурта "Купалінка", Беларускага дзяржаўнага акадэмічнага заслужанага харэаграфічнага ансамбля "Харошкі", а таксама канцэртная праграма "Маладыя таленты".

Здымкі канцэртаў адбываліся ў павільёне кінастудыі "Беларусьфільм", абсталяваным Белтэлерадыёкампаніяй сучаснымі тэлевізійнымі тэхнічнымі сродкамі. "Залатая калекцыя" - гэта энцыклапедыя беларускай музычнай і танцавальнай творчасці, а таксама прыклад высакаякаснай тэлевытворчаці. Праект дасць магчымасць прыхільнікам беларускага мастацтва азнаёміцца з шэдэўрамі, якія выконваюцца сапраўднымі віртуозамі сцэны.

Не прапусціце прэм’еру праекта "Залатая калекцыя" на тэлеканале "Беларусь 3" 1 студзеня ў 00:05.