Беларусь 1

Тэлеканал "Беларусь 1" - галоўны дзяржаўны канал краіны, які займае адну з вядучых пазіцый на рынку нацыянальнага тэлевяшчання.

Тэлеканал даступны ўсім жыхарам Беларусі, а яго сярэднямесячная аўдыторыя складае амаль 5 млн. чалавек.

Кантэнт "Беларусь 1" ствараецца сіламі дзвюх структур Белтэлерадыёкампаніі - Агенцтвам тэленавін і Генеральным прадзюсарскім цэнтрам.

Прыярытэтамі вяшчання з'яўляюцца навіны, дакладная інфармацыя і аналітыка. Але разам з тым канал таксама развівае вытворчасць тэлеперадач сацыяльнай тэматыкі і стварае праекты забаўляльных фарматаў. Усё часцей у эфіры "Беларусь 1" можна ўбачыць і дакументальнае кіно.