12-гадовая дзяўчынка загінула ў Маладзечанскім раёне

Трагедыя адбылася каля вёскі Путнікі. Школьніца разам з 14-гадовай сяброўкай адправілася купацца ў тэхнічны вадаём. Верагодна, плаваць ніводная з дзяўчат не ўмела. Крыкі падлеткаў пачулі мясцовыя жыхары, яны адразу ж кінуліся на дапамогу. Адну з пацярпелых удалося выратаваць. Яна зараз у бальніцы ў цяжкім стане. Цела другой школьніцы было выяўлена за 3 метры ад берага. Вядома, што купацца падлеткі пайшлі адны.