63 кілаграмы гашышу спрабаваў завезці расіянін з-за мяжы

63 кілаграмы гашышу спрабаваў завезці расіянін з-за мяжы і быў затрыманы на беларуска-літоўскай мяжы. 48-гадовы мужчына заязджаў на "Кія" з Літвы праз Каменны Лог, але пасля прапановы мытнікаў прайсці на агляд машыны паспрабаваў пакінуць пункт пропуску. Яго затрымаў памежны нарад. Пад сядзеннямі аўто выявілі схованку.

Гродзенская рэгіянальная мытня ўзбудзіла крымінальную справу. За парушэнне рэжыму ў пункце пропуску расіянін ужо прыцягнуты да адміністрацыйнай адказнасці - штрафу больш чым на 1 000 рублёў.