Аўто апынулася на даху. Наступствы ранішняй аварыі ў сталіцы

Аўто апынулася на даху. Такія наступствы ранішняй аварыі ў сталіцы. 30-гадовы вадзіцель "рэно" а пятай гадзіне раніцы рухаўся па вуліцы Слабадской - з боку Ясеніна ў напрамку Касманаўтаў. Паводле папярэдняй інфармацыі, ён заснуў за рулём і ў выніку здзейсніў наезд на прыпаркаваны ўздоўж вуліцы "фальксваген". Па ланцужку апошняе аўто пашкодзіла "сітраен", прыпаркаваны наперадзе. У ДТЗ ніхто не пацярпеў. ДАІ рэкамендуе вадзіцелям не садзіцца за руль у стомленым стане, паколькі гэта небяспечна для ўсіх удзельнікаў руху.