З пачатку года ў Беларусі зафіксавана больш за 300 лясных пажараў

Захоўваецца павышаны узровень пажарнай небяспекі. З улікам засушлівага надвор’я ў Мінскай вобласці ўведзена забарона на наведванне лясоў у Дзяржынскім, Стаўбцоўскім, Салігорскім і Мінскім раёнах. Асноўная прычына - выпальванне сухой расліннасці ў вёсках побач з ляснымі масівамі. За мінулыя суткі ратавальнікі цэнтральнага рэгіёна 44 разы выязджалі на месцы ўзгарання травы, а таксама ліквідавалі 6 лясных пажараў.

Усяго з пачатку года па ўсёй краіне зафіксавана больш за 300 лясных пажараў.