Брэсцкія мытнікі спынілі спробу ўвозу буйной партыі наркотыкаў

Брэсцкія мытнікі канфіскавалі кантрабанду наркотыкаў вагой больш як 182 кілаграмаў. Іх кошт перавышае тры з паловай мільёны долараў. Як паведамляе Мытны камітэт, грузавік рухаўся з Сербіі праз пункт пропуску “Казловічы”. Вадзіцелем цяжкавагавіка 42-гадовы серб. Ён заявіў, што нібы перавозіць прамысловае абсталяванне і нават паказаў адпаведныя дакументы. Аднак мытнікі разам з пагранічнікамі вырашылі, што аўтацягнік трэба адправіць на сканер. Дзякуючы гэтаму, стала вядома аб наяўнасці ў фуры дадатковых укладанняў. З вентылятара канфіскавана 89 пакетаў з парашком і таблеткамі, а таксама некалькі мяшкоў з карычневым рэчывам. Экспертыза пацвердзіла - усё гэта наркотыкі. Шафёр затрыманы і заключаны пад варту.