ДТЗ з удзелам байкераў пачасціліся

Матыцыклісты выехалі на сталічныя дарогі і ў зводках аўтаінспекцыі пачасціліся аварыі з іх удзелам. У тым ліку і ў Маскоўскім раёне. Таму ў гэтыя дні дарожная міліцыя пільна сочыць за аматарамі двухколавага транспарту. Інспектары ДПС працуюць з матацыклістамі, нагадваюць правілы, правяраюць тэхнічны стан байка і неабходную экіпіроўку.
Акрамя таго, каб прыцягнуць да сябе ўвагу на дарозе, байкерам рэкамендуюць рухацца з пастаянна уключаным блізкім святлом фар. Таксама ўладальнікам мотатэхнікі неабходна паклапаціцца аб своечасовай рэгістрацыі сваіх транспартных сродкаў.