ДТЗ з удзелам хуткай у Пухавіцкім раёне

Высвятляюцца абставіны дарожна-транспартнага здарэння з удзелам хуткай у Пухавіцкім раёне. У пасёлку Дружным 24-гадовы жыхар Гродзенскай вобласці на "шкодзе" не ўлічыў умоў надвор'я і справакаваў ДТЗ, у выніку якога сам вадзіцель аўто і яго 28-гадовы пасажыр шпіталізаваны. Фельчар хуткай таксама атрымаў траўмы. Пацярпелых дэблакіравалі ратавальнікі з дапамогай спецінструмента. Паводле папярэдняй інфармацыі, вадзіцель “шкоды” не мае вадзіцельскага пасведчання і, верагодна, быў за рулём у нецвярозым стане.