Генпракуратура пацвердзіла затрыманне дырэктара БелОМА

Генпракуратура пацвердзіла затрыманне дырэктара БелОМА, а бізнесмен Арбузаў просіць Прэзідэнта вызваліць яго ад крымінальнай адказнасці. Пра гэта сёння заявіў генпракурор Беларусі падчас выніковай калегіі ведамства. Артыкул, паводле якога затрыманы кіраўнік холдынга, не паведамляецца. Паводле слоў Аляксандра Канюка, не варта спяшацца і прымаць заўчасных рашэнняў. Што датычыцца Віталя Арбузава, то стала вядома, што ён напісаў зварот Кіраўніку дзяржавы паводле артыкула "Вызваленне ад крымінальнай адказнасці ў сувязі з добраахвотным пакрыццём".