ДПК: Наркотыкі праз мяжу везлі на аўтавозах ва Украіну

Наркотыкі транзітам везлі на аўтавозах ва Украіну. Пагранічнікі Гродзенскай пагрангрупы спынілі некалькі спроб перамяшчэння праз дзяржмяжу забароненых сродкаў. Кантрабандысты выпрабоўвалі на трываласць пункт пропуску "Прывалка". Ва ўсіх выпадках схованкі выяўленыя ў транспартных сродках. Аўтамабілі, як правіла, былі набытыя ў ЗША, Канадзе альбо краінах Заходняй Еўропы і перавозіліся на лафетах транзітам праз Беларусь ва Украіну. На дадзены момант узбуджана дзве крымінальныя справы. У пагранкамітэце звярнулі ўвагу прадпрымальнікаў, якія ажыццяўляюць перавозку транспарту праз мяжу, на неабходнасць дбайнага агляду машын, каб пазбегнуць на мяжы праблем.