Грамадзянін Туркменістана спрабаваў вывезці з Беларусі дзяўчыну ў багажніку

Грамадзянін Туркменістана спрабаваў правезці цераз беларуска-ўкраінскую мяжу сваю суайчынніцу ў багажніку аўтамабіля. Нелегальную 22-гадовую пасажырку выявілі на выездзе з Беларусі ў пункце пропуску "Весялоўка". Увагу пагранічнікаў прыцягнула буйнагабарытная гаспадарчая сумка. Выхадцы з Цэнтральнай Азіі затрыманы і змешчаны на час разбору ў ізалятар часовага ўтрымання. Пачаты адміністрацыйны працэс.