Грамадзянін Украіны спрабаваў правезці ў Беларусь два дзясяткі патронаў

Мужчыну затрымалі на КПП Аляксандраўка. З тлумачэнняў украінца, ён жыве ў Кіеве і ехаў у Літву па рабочых пытаннях праз Беларусь. А патроны проста забыў выкласці перад паездкай. Як адзначылі ў Дзяржпагранкамітэце, толькі на гэтым участку мяжы ўжо дзясяты выпадак затрымання нелегальнага арсенала. А ўсяго з пачатку года на паўднёвых межах нашай краіны канфіскаваныя 43 адзінкі зброі і 450 боепрыпасаў.