Буйнога распаўсюджвальніка наркотыкаў затрымалі ў Мінскай вобласці

27-гадовы мужчына выйшаў з дому з шасцю пакетамі парашку агульнай вагой больш за 300 грамаў і планаваў раскласці тавар па схованках. Па дарозе яго схапілі байцы АМАПа. Акрамя таго, псіхатропныя рэчывы былі выяўленыя ў кватэры падазронага і ў закладках на тэрыторыі Мінска і раёна. У выніку канфіскавана больш за кілаграм наркотыкаў, у тым ліку і альфа-ПВП.

Праваахоўнікі працягваюць высвятляць усіх фігурантаў злачыннага ланцужка. У дачыненні да затрыманага заведзена крымінальная справа.