Малакавоз і легкавое аўто сутыкнуліся ў Маладзечанскім раёне

У Маладзечанскім раёне сутыкнуліся малакавоз і легкавік. Вадзіцель "пежо", рухаючыся ў напрамку Валожына, не справіўся з кіраваннем і выехаў на сустрэчную паласу, дзе ўрэзаўся ў грузавік. У выніку мужчына аказаўся заціснутым і не змог выбрацца з аўто самастойна. На месца прыбыў разлік МНС Мінскай вобласці. Пацярпелага аператыўна дэблакіравалі з дапамогай спецінструмента і перадалі брыгадзе хуткай меддапамогі. Два пасажыры "пежо" з траўмамі таксама шпіталізаваныя. Вадзіцель малакавоза не пацярпеў. Па факце ДТЗ праводзіцца праверка.