На Кубані цягнік Мінск - Адлер сутыкнуўся з грузавіком

Трывожныя навіны паступаюць у гэтыя хвіліны з Краснадарскага края Расіі. На Кубані цягнік Мінск - Адлер сутыкнуўся з грузавіком. Пацярпелі 18 чалавек. Іх грамадзянства высвятляецца. Як паведамляе ТАСС, чацвёра шпіталяваныя, адзін знаходзіцца ў цяжкім стане. Сярод іх машыніст, памочнік машыніста і вадзіцель цяжкагруза. Усяго ў цягніку ехала 650 чалавек, у тым ліку 188 дзяцей. Паведамляецца, што вадзіцель грузавіка праігнараваў забараняльны сігнал святлафора і выехаў на пуці паміж станцыямі Цімашэўская і Вядзмідаўка. Машыніст цягніка ўжыў экстраннае тармажэнне, але сутыкнення пазбегнуць не атрымалася. У астатніх пацярпелых лёгкія траўмы, гавораць у кіраўніцтве Паўночнакаўказскай чыгункі. Пасля замены лакаматыва састаў рушыў далей. У сувязі з ДТЗ, папярэджваюць чыгуначнікі, чакаецца затрымка некалькіх цягнікоў.