На Мінскай кальцавой сёння сутыкнуліся чатыры аўтамабілі

"Аўдзі" рухаўся па другой паласе з боку вуліцы Шаранговіча ў напрамку Мазурава. У легкавушкі адляцела пярэдняе кола, і машына спынілася. Вадзіцель “фольксвагена”, які рухаўся ўслед, не паспеў затармазіць і ўрэзаўся ў “аўдзі”. А праз 15 хвілін вадзіцель ДАФ, які ўбачыў наперадзе аварыю, знізіў хуткасць, каб перастроіцца. У гэты момант ў аўто ўрэзаўся “форд”. Ад удару “фольксваген” і ДАФ адкінула на трэцюю паласу, а “форд” - на першую. У выніку ДТЗ вадзіцель «форда” атрымаў траўмы рознай ступені цяжкасці. Пацярпелы дастаўлены ў бальніцу.