На Мазырскім НПЗ сур'ёзнае ДТЗ. Адзін чалавек загінуў

Сур'ёзнае ДТЗ на Мазырскім нафтаперапрацоўчым заводзе - там сутыкнуўся аўтобус з людзьмі і грузавы "Мерседэс". Паведамленне ў МНС паступіла сёння раніцай. Паводле інфармацыі міліцыі, грузавік не ўступіў дарогу службоваму МАЗу і пратараніў яго. У салоне перавозчыка знаходзілася 12 пасажыраў і вадзіцель. Ад удару аўтобус перавярнуўся на бок. Аднаго з пасажыраў выкінула праз акно і прыціснула. Ён загінуў. Па медыцынскую дапамогу звярнуліся 11 чалавек. Вадзіцелі не пацярпелі. Зараз на месцы здарэння працуюць супрацоўнікі ДАІ, следча-аператыўная група.