На пажары ў Барысаўскім раёне эвакуіравана 13 чалавек

На пажары ў Барысаўскім раёне эвакуіравана 13 чалавек, сярод якіх - дзіця. Паведамленне аб узгаранні ў трохпавярховым жылым доме ў вёсцы паступіла ратавальнікам. Яны аператыўна прыбылі на месца, у шчыльна задымленай кватэры на першым паверсе знайшлі гаспадара, вынеслі яго на свежае паветра і перадалі медыкам. З папярэднім дыягназам "атручванне прадуктамі гарэння" мужчыну даставілі ў бальніцу. Дакладная прычына ўзгарання высвятляецца, адна з магчымых версій - неасцярожнасць пры курэнні.