На пажары ў сталіцы загінула жанчына

Гарэў прыватны дом у завулку Ушакова. Яшчэ да прыбыцця ратавальнікаў 73-гадовы гаспадар самастойна выбраўся праз акно. Мужчыну агледзелі медыкі. Са шматлікімі апёкамі і атручэннем прадуктамі гарэння яго шпіталізавалі. Пазней ратавальнікі ў жылым пакоі знайшлі жанчыну без прыкмет жыцця. Дом гарэў адкрытым полымем. У выніку ён непрыдатны для пражывання. Прычына здарэння высвятляецца. Адна з версій - кароткае замыканне электраправодкі на верандзе.