На праспекце Дзяржынскага вадзіцель БМВ сутыкнуўся з машынай газавай службы

Сёння раніцай у Мінску на праспекце Дзяржынскага вадзіцель БМВ не справіўся з кіраваннем, сутыкнуўся з машынай газавай службы і хутка пакінуў месца ДТЗ. Легкавое аўто па інерцыі пакацілася назад, праз бардзюрны камень выехала за межы праезнай часткі і наехала на металічную агароджу. Супрацоўнікі ДАІ аператыўна высветлілі асобу вадзіцеля БМВ і затрымалі яго. 20-гадовы мужчына - грамадзянін Кітая - знаходзіўся ў стане алкагольнага ап'янення. Складзена шэсць адміністрацыйных пратаколаў. Усе яны будуць перададзены ў аддзел па міграцыі.

Няпростыя ўмовы надвор'я вымушаюць усіх вадзіцеляў быць максімальна ўважлівымі на дарогах, рухацца з паніжанай хуткасцю і захоўваць дыстанцыю. Падчас дажджу варта ўключаць блізкае святло і супрацьтуманныя фары, не рабіць рэзкіх манеўраў на мокрым асфальце.