На праспекце Незалежнасці легкавушка вылецела за межы праезнай часткі

Вадзіцель аўтамабіля "фальксваген" а пятай гадзіне раніцы рухаўся з боку вуліцы Каліноўскага ў напрамку Сурганава і не справіўся з кіраваннем - наехаў на бардзюрны камень і асвятляльную мачту. У выніку ДТЗ пацярпела 16-гадовая дзяўчына, для аказання меддапамогі яе шпіталізавалі. Вадзіцель аўтамабіля з месца здарэння ўцёк, аднак яго асобу ўстанавілі супрацоўнікі ДАІ. Ім апынуўся юнак 2002 года нараджэння. Усяго ў машыне ў момант ДТЗ знаходзіліся 5 чалавек. "Фальксваген" атрымаў сур'ёзныя пашкоджанні - поўнасцю дэфармаваныя правы бок і дах.