На Свіслачы патануў мужчына

У Мінску патануў мужчына. Яго асабістыя рэчы знайшлі на беразе Свіслачы. У акваторыі ракі працавалі супрацоўнікі МНС і спецыялісты АСВОД - пошукі працягваліся 50 хвілін. Пасля чаго знайшлі цела - рэанімацыйныя дзеянні не дапамаглі. Паводле папярэдніх даных, некалькі мужчын рыбачылі на беразе, і адзін з іх у нецвярозым стане палез у ваду.

У асноўным трагедыі адбываюцца ў месцах, якія не прадугледжаны для купання, а таксама на неабсталяваных пляжах. Асаблівую ўвагу супрацоўнікі АСВОД звяртаюць на дзяцей - непаўналетнія заўсёды павінны быць пад наглядам бацькоў. Таксама нельга заплываць за буйкі і заходзіць у ваду ў нецвярозым стане. Усяго сёлета ў сталіцы і Мінскай вобласці патанулі больш за 50 чалавек.