Нецвярозы вадзіцель пратараніў матацыкл у Мінску

Бяспраўнік на легкавушцы пратараніў матацыкл у цэнтры Мінска. Пацярпелі 2 чалавекі. Паводле папярэдняй інфармацыі, вадзіцель "Лады" напярэдадні рухаўся па вуліцы Леніна ў бок Інтэрнацыянальнай. Па словах відавочцаў, на скрыжаванні ён паехаў на чырвонае святло і сутыкнуўся з матацыклам "Хонда", які паварочваў налева. У выніку ДТЗ пацярпелі вадзіцель, а таксама пасажыр матацыкла. Іх даставілі ў бальніцу. Відавочцы таксама расказалі, што пасля аварыі шафёр "Лады" на месцы здарэння выпіваў алкаголь. Як высветлілі інспектары ДАІ, мужчына раней быў пазбаўлены вадзіцельскіх правоў. Тэрмін пакарання ўжо мінуў, аднак ён працягваў ездзіць без дакументаў. На месцы працавалі і эксперты, і следчыя. Высвятляюцца ўсе акалічнасці.