Начны пажар у сталіцы. Загінулі 2 чалавекі

Адкрытым полымем гарэла кватэра на верхнім паверсе пяціпавярховага дома на вуліцы Пермскай. У агні загінулі 2 чалавекі - гаспадар кватэры і яшчэ адзін мужчына. Яны знойдзены без прыкмет жыцця з апёкамі. З-за моцнага задымлення ратавальнікі эвакуіравалі жыхароў суседніх кватэр.

А замыканне электраправодкі, паводле папярэдняй версіі, магло стаць прычынай узгарання ў інтэрнаце медыцынскага універсітэта па праспекце Дзяржынскага. Загарэўся адзін з пакояў. Ратавальнікі эвакуіравалі студэнтаў - усяго 250 чалавек. Сур'ёзных пашкоджанняў ніхто не атрымаў.