Пад Слонімам разбіўся самалёт, два чалавекі загінулі

У Слонімскім раёне ўпаў лёгкаматорны самалёт. Два чалавекі загінулі. Паводле папярэдніх звестак, вечарам 13 жніўня два пілоты ажыццяўлялі прагулачныя палёты над Слонімам. Абодва мужчыны - 61 і 54 гадоў - пры падзенні загінулі. На месцы здарэння працуюць следчыя з вобласці з прыцягненнем перасовачнай крыміналістычнай лабараторыі. Прычыны трагедыі высвятляюцца.