Падрабязнасці аварыі на трасе Бабруйск - Глуск: 12 чалавек пацярпелі

Апошнія падрабязнасці аварыі на трасе Бабруйск - Глуск. 12 пацярпелых агледжаны ўрачамі. У выніку 4 чалавекі шпіталізаваныя ў Бабруйскую цэнтральную бальніцу, 4 дарослыя і 1 дзіця - у бальніцу хуткай медыцынскай дапамогі. У іх дыягнаставаныя розныя траўмы, пераломы, удары. Амбулаторная дапамога аказана тром пацярпелым. З вобласці на дапамогу спецыялістам Бабруйска выехала брыгада па лініі санавіяцыі - рэаніматолаг, нейрахірург і траўматолаг. Нагадаем, сёння раніцай у Магілёўскай вобласці на трасе Бабруйск - Глуск сутыкнуліся маршрутка і трактар. Паводле папярэдняй версіі ДАІ, вадзіцель сельгастэхнікі пры выездзе з другараднай дарогі не прапусціў "фальксваген", у якім ехалі 20 пасажыраў. Супрацоўнікі Міністэрства транспарту і камунікацыі разам з ДАІ узмацняюць кантроль за вадзіцелямі маршрутак.

Гэта ўжо другая сур'ёзная аварыя за тыдзень з удзелам маршрутнага таксі. У панядзелак, 20 лютага, 11 чалавек загінулі ў Смалявіцкім раёне пасля сутыкнення маршруткі і гружанага самазвала. Па незразумелай прычыне шматтонны МАЗ выехаў на паласу сустрэчнага руху, пратараніўшы мікрааўтобус з пасажырамі.