Пацярпелым ва Украіне беларусам аказваюць неабходную меддапамогу

Ва Украіне высвятляюць прычыны ДТЗ з беларусамі. Сёння раніцай на аўтадарозе Адэса - Кіеў мікрааўтобус з гомельскімі нумарамі ўрэзаўся ў грузавы пад'ёмны кран.

У момант аварыі ў салоне знаходзіліся 8 чалавек. 6 нашых грамадзян, у тым ліку вадзіцель, а таксама адзін украінец былі дастаўленыя ў бальніцу. Двое з беларусаў знаходзяцца ў рэанімацыі. За іх жыццё змагаюцца ўрачы, пакуль спецыялісты не бяруцца даваць прагнозаў. Лёс яшчэ аднаго пасажыра мікрааўтобуса невядомы. Паводле інфармацыі ўкраінскай паліцыі, ён з'ехаў з месца ДТЗ.

Паведамляецца, што вадзіцель грузавога крана не пацярпеў. Міністр аховы здароўя Беларусі трымае на асабістым кантролі сітуацыю з нашымі грамадзянамі.