Жыхар Дамачава, які прапаў у навагоднюю ноч, верагодна, забіты

Вось ужо 12 дзён працягваюцца пошукі жыхара Брэсцкага раёна Мікалая Бяцені. Следчы камітэт завёў крымінальную справу паводле артыкула "Забойства, учыненае групай асоб". Трое падазроных у дачыненні да знікнення знаходзяцца пад вартай, і зараз з імі працуюць праваахоўнікі. 26-гадовы Мікалай Бяценя адзначаў Новы год у кампаніі з 19 чалавек у арандаваным доме на ўскраіне вёскі Камароўка. Вядома, што на вечарынцы адбыўся канфлікт. Пасля гэтага малады чалавек прапаў.

У момант знікнення Мікалай Бяценя быў без вопраткі, у блакітнай кашулі і светлых джынсах. У пошукавай аперацыі задзейнічаныя міліцыя і валанцёры. Правераныя наваколлі ў радыусе пяці кіламетраў у кірунку вёскі Дамачава. Вадалазы праверылі мясцовыя вадаёмы і меліярацыйныя каналы. Але пакуль ніякіх слядоў прапаўшага хлопца не знайшлі. Пошукі працягваюцца.