Сямейны скандаліст нацкаваў байцоўскага сабаку на ўчастковага

Цынічны напад на супрацоўніка міліцыі. У Оршы сямейны скандаліст нацкаваў байцоўскага сабаку на ўчастковага. У міліцыянера рваныя раны. Следчыя ўжо далі прававую ацэнку дзеянням скандаліста і ўзбудзілі крымінальную справу за гвалт у дачыненні да супрацоўніка органаў унутраных спраў.

Больш як 40 фактаў нападу на супрацоўнікаў міліцыі зафіксавана з пачатку года толькі ў Віцебскім рэгіёне. Часцей за іншых аб'ектамі нападу становяцца тыя, хто працуе з насельніцтвам - гэта патрульна-паставая служба, участковыя і ДАІ.