Сур'ёзная аварыя з удзелам нецвярозага вадзіцеля

Жыхар Капыля сеў за руль у стане алкагольнага ап'янення і накіраваўся ў бок Заслаўя. Аднак не справіўся з кіраваннем, машына вылецела у кювет і сутыкнулася з дрэвам. Мужчына не быў прышпілены рамянямі бяспекі і вылецеў цераз лабавое шкло. Зараз ён у рэанімацыі. Вядома, што пацярпелы не меў вадзіцельскага пасведчання.

І яшчэ адна аварыя стала прычынай ранішняга затору ў Мінску. На скрыжаванні праспекта Незалежнасці з вуліцай Валгаградскай сутыкнуліся два легкавыя аўтамабілі. Адна з машын выехала на сустрэчную паласу. Пацярпелых няма.