Серыйныя аўтазлодзеі затрыманыя ў Баранавічах

А пачалося ўсё з таго, што ў міліцыю звярнуліся 4 чалавекі. Як расказалі заяўнікі, свае аўтамабілі, як звычайна, яны прыпаркавалі ля свайго дома, а раніцай наступнага дня выявілі прапажу з аўто. Як высветлілі аператыўнікі, днём зламыснікі шукалі прыдатны транспарт, каб "запазычыць" знойдзенае. А па начах кралі акумулятары, магнітолы і ўсё каштоўнае, што было ў салоне. У машыны выкрадальнікі пранікалі, узломваючы замкі багажніка і ўскрываючы капот. Супрацоўнікі міліцыі высветлілі асобы падазроных з дапамогай відэакамер назірання.