Следчыя разбіраюцца ў акалічнасцях самападпалу ў Мінску

Як вядома, 35-гадовы мужчына абліў сябе гаручай вадкасцю, пасля чаго падпаліў. Ахопленага полымем чалавека патушылі прахожыя і міліцыя. Пры першасным аглядзе супрацоўнікі хуткай дапамогі дыягнаставалі ў яго больш за 50 працэнтаў апёкаў. Зараз ён у апёкавым цэнтры. І з'явілася інфармацыя па чалавеку, які адважыўся на гэты паказальны акт. Біяграфія занадта характэрная для такіх выпадкаў: цёмных плям у яго жыцці больш чым дастаткова. Лічыцца ў тралейбусным парку, але на працы з'яўляецца праз раз. Хуліганства, крадзеж, распіванне... Гэта ўсё па дробязі. А вось да крымінальнай адказнасці прыцягваўся за незаконны абарот наркатычных сродкаў.

Высвятляюцца ўсе акалічнасці здарэння. Так, галоўнае - вызначыць, што падбіла чалавека на гэта крок. Бо інакш на нашых вачах разыгрываецца вар'яцкі спектакль, які можна назваць "Метадычка Шарпа ў дзеянні". Самападпал у цэнтры Мінска на плошчы Незалежнасці, відэа і фота інцыдэнту распаўсюджваюць СМІ. Для таго, каб завесці натоўп перад заўтрашнім днём, агітатары ідуць на ўсё, нават падбухторваючы людзей на смерць. Следства ўсё ўстановіць і разбярэцца, але ўсё гэта падобна на бязлітасны план па разварушванні сітуацыі ў краіне. З такіх выпадкаў пачыналіся рэвалюцыі ў шматлікіх краінах: матэрыялаў шмат у інтэрнэце.