Сутыкненне трох аўтамабіляў у Мінску трапіла на камеру

Вячэрняя аварыя ў сталіцы трапіла на камеру відэарэгістратара. Запіс апублікаваны ў Інтэрнэце. Сутыкненне трох аўтамабіляў адбылося на скрыжаванні вуліц Прытыцкага і Ляшчынскага каля 8 гадзін вечара. Па кадрах відаць, што прычынай усяму стаў так званы канфлікт левага павароту. Адно з аўто пасля ўдару развярнула і адкінула на іншую машыну. Паводле папярэдняй інфармацыі, у ДТЗ пацярпеў пасажыр таксі, якое стала адным з удзельнікаў дарожнага інцыдэнту. Мы чакаем афіцыйных звестак ад ДАІ.