Суд па факце гібелі салдата ў Пячах пачнецца 8 жніўня

Праз тыдзень Мінскі абласны суд пачне разгляд па справе Коржыча. На лаве падсудных трое вайскоўцаў навучальнага цэнтра ў Пячах. Ім высунутыя абвінавачанні адразу па трох артыкулах Крымінальнага кодэкса - "Перавышэнне ўлады з цяжкімі наступствамі - давядзенне да самазабойства", "Атрыманне хабару" і "Крадзеж". Нагадаем, цела Аляксандра Коржыча было знойдзена восенню ў падвале на тэрыторыі 72-га аб'яднанага навучальнага цэнтра ў барысаўскіх Пячах.