Тры чалавекі загінулі ў ДТЗ пад Мінскам

46-гадовы вадзіцель "Кіа" рухаўся па трасе Р-23, раптоўна на праезную частку выбег лось. Пасля сутыкнення з дзікай жывёлай машыну выкінула на сустрэчную паласу, аўто ўрэзалася ў "Пежо", за рулём якога быў 39-гадовы мужчына. У выніку ДТЗ загінулі абодва вадзіцелі і пасажырка “Пежо”. 14-гадовы пасажыр гэтага аўто шпіталізаваны.

Дзяржаўтаінспекцыя нагадвае пра асцярожнасць пры ўездзе ў зону дзеяння папераджальнага дарожнага знака "Дзікія жывёлы". Часцей за ўсё аварыі з удзелам капытных здараюцца з канца жніўня да сярэдзіны кастрычніка: у гэты час у аленяў і ласёў пачынаецца перыяд размнажэння, і яны актыўна перамяшчаюцца з адной часткі папуляцыі ў іншую.