У Баранавіцкім раёне знайшлі авіябомбу вагой 100 кілаграмаў

Небяспечная знаходка ў Баранавіцкім раёне. З каўша экскаватара выпала авіябомба. Працаўнікі аднаго з прадпрыемстваў выявілі вялікі металічны прадмет, які нагадваў снарад, і звярнуліся ў міліцыю. Бомбу выявілі, калі з дапамогай тэхнікі разраўноўвалі пясок. На месца здарэння прыбылі праваахоўнікі і сапёры. Паводле ацэнкі спецыялістаў, знойдзены аб'ект - гэта фугасная авіяцыйная бомба вагой 100 кілаграмаў часоў Вялікай Айчыннай вайны. Выбухованебяспечны аб'ект быў знішчаны.