У Беларусі расце колькасць крадзяжоў з карт-рахункаў

Ашуканцы дзейнічаюць праз Viber. У Беларусі расце колькасць крадзяжоў з карт-рахункаў. Ілжэсупрацоўнікі банка выманьваюць пасродкам месенджара рэквізіты банкаўскіх карт і пашпартныя даныя. Акрамя таго, рэквізіты злачынцы атрымліваюць і праз фішынгавыя старонкі, якія імітуюць гандлёвыя пляцоўкі або праз сацсеткі, калі пад выглядам знаёмых ахвяры ашуканцы даведваюцца сакрэтную інфармацыю.

Спецыялісты нагадваюць, прадстаўнікі банка не вядуць размовы пра баланс карт-рахунка або іншай інфармацыі пасродкам месенджара Viber або іншых інтэрнэт-пляцовак. Многім беларусам прыйшлі афіцыйныя апавяшчэнні аб дзеяннях ашуканцаў па сродках М-банкінгу.