У Бярэзінскім раёне затрыманыя двое мужчын з марыхуанай

У Бярэзінскім раёне супрацоўнікі міліцыі затрымалі дваіх мужчын з марыхуанай. У Бярэзінскі РАУС паступіла інфармацыя, што ў кірунку райцэнтра рухаецца аўтамабіль, у якім перавозяць наркотыкі. У вёсцы Якшыцы супрацоўнікі ДАІ выявілі машыну і спынілі для праверкі. У багажніку знайшлі каля 4 кг дзікарослых канопляў. Канфіскавана таксама прыстасаванне для курэння і кантэйнер з высушанай марыхуанай. У аўто знаходзіліся двое маладых людзей, аднаму 28 гадоў, другому - 32. Устаноўлена, што абодва нідзе не працуюць. Самі затрыманыя паведамілі, што расліну збіралі на тэрыторыі Гомельскай вобласці каля Жлобіна.