У Брэсце з моста зваліўся аўтакран

У Брэсце высвятляюць прычыны надзвычайнага здарэння на пуцеправодзе, які будуецца. Пра здарэнне паведамілі відавочцы. Проста на вачах людзей з моста зваліўся аўтакран. Вадзіцель паспеў выскачыць у апошні момант. Ёсць інфармацыя, што ён не пацярпеў. Адна з верагодных прычын інцыдэнту - нагрузкі не вытрымала кансоль бэлькі, на якую былі пастаўленыя апоры аўтакрана. Тэхніка моцна пашкоджаная, і аднавіць яе немагчыма.