У Добрушскім раёне патануў 14-гадовы падлетак

Гарачыя дні ў ратавальнікаў: рыбакі і дзеці не хочуць чакаць моцнага лёду. У выніку - няшчасныя выпадкі. Так, у Добрушскім раёне патануў 14-гадовы падлетак. На раку Іпуць два браты выйшлі з санкамі і прыкладна за пяць метраў ад берага праваліліся пад лёд. Аднаму з іх удалося выбрацца самастойна. Спробы дапамагчы брату аказаліся дарэмнымі, і хлопчык кінуўся па дапамогу.

Умовы пошуку ўскладнены ўмовамі надвор’я: месцамі на рацэ шарош. Ратавальнікі заклікаюць дарослых быць пільнымі і перасцерагаюць усіх ад выхаду на тонкі лёд.