Падчас ДТЗ у Магілёве пацярпелі 3 пешаходы

Відэа жудаснай аварыі ў Магілёве, дзе збілі трох пешаходаў, з'явілася ў Сетцы. Нагадаем, інцыдэнт адбыўся напярэдадні на вуліцы Камсамольскай. Каля шасці гадзін вечара аўтамабіль Audi вылецеў на тратуар, дзе ішлі людзі. Паводле інфармацыі ДАІ, за рулём быў 28-гадовы мясцовы жыхар. Па якіх прычынах ён не справіўся з кіраваннем - высвятляецца. У ДТЗ ён не пацярпеў. Траўмы атрымалі двое мужчын і жанчына. Яны дастаўлены ў бальніцу з рознымі траўмамі. Высвятляюцца ўсе акалічнасці здарэння. Як дадалі ў МУС, вадзіцель неаднаразова прыцягваўся да адказнасці па лініі ДАІ.