У Глуску машына ўехала ў натоўп людзей

У Глуску высвятляюць акалічнасці начнога ДТЗ. Аўтамабіль Audi ўехаў у натоўп ля кафэ, вадзіцель паспрабаваў уцячы. Разам са знаёмым ён адпачываў у гэтай установе і пасварыўся з іншымі адпачывальнікамі. Паводле папярэдняй інфармацыі, перад закрыццём бара наведвальнікі выйшлі на вуліцу. Двое з іх селі ў Audi і пратаранілі кампанію, што стаяла на тратуары ля ўваходу. Вадзіцель з'ехаў. Але ў хуткім часе яго знайшоў нарад ДАІ. Шафёр ігнараваў патрабаванні аб спыненні. Затрымалі яго за 10 кіламетраў ад райцэнтра.

У выніку наезду пацярпелі пяцёра мужчын, адзін з іх у бальніцы. Крымінальная справа ўзбуджана за замах на забойства.