У Гомелі ратавальнікі знялі дзяўчынку з 9-га паверха

Пяцігадовае дзіця стаяла ў адчыненым акне балкона. На месца аператыўна выехалі супрацоўнікі МНС, дзякуючы іх суладным дзеянням дзяўчынка не пацярпела. Адзін з ратавальнікаў размаўляў з дзіцем праз зачыненыя дзверы і здолеў яе прымусіць адысці ад акна. У гэты час іншы па пажарнай лесвіцы патрапіў у кватэру праз акно. Высветлілася, што дзяўчынка была дома адна. У меддапамозе патрэбы не мела. Далейшы разгляд будуць праводзіць супрацоўнікі міліцыі.