У Мінску кватэру закідалі кактэйлямі Молатава

Крымінальная справа па артыкуле "Асабліва злоснае хуліганства" ўзбуджана ў дачыненні да пяці мужчын, якія закідалі кватэру ў Мінску кактэйлямі Молатава. З іх слоў, падчас распівання алкаголю адзін з прыяцеляў успомніў мінулыя крыўды, кампанія прыняла рашэнне адпомсціць суседу. Калі ім дзверы не адчынілі, вырашылі купіць на запраўцы 5 літраў бензіну, разліць яго ў бутэлькі з-пад віна і накіраваліся да крыўдніка. Адну закінулі на балкон, а з дапамогай другой падпалілі ўваходныя дзверы. Два кактэйлі Молатава праваахоўнікі паспелі канфіскаваць у момант затрымання.

Са сведчанняў некаторых затрыманых, помста была з-за жанчыны. У выніку здарэння пашкоджаны балкон кватэры і ўваходныя дзверы.